სიტი პეპის პირადი ნივთების აუქციონს აწყობს - ჩანაწერები, ჭიქები...

მანჩესტერ სიტი პეპ გვარდიოლას კლუბის ოფისის ნივთებსა და სამახსოვრო ატრიბუტიკას აუქციონზე ყიდის.

გულშემატკივრებს შესაძლებლობა აქვთ, შეიძინონ ესპანური სპეციალისტის ისეთი პირადი ნივთები, როგორიცაა ყავის ჭიქები, სავარძელი, სამაგიდო ლამპა, სასტვენი, სავარჯიშო მაისურები, ზამთრის ქურთუკი და სურნელოვანი ჩხირები.

აგრეთვე, აუქციონზე გამოტანილია გვარდიოლას ხელნაწერი ტაქტიკური ჩანაწერები და კალმები, თუმცა ყველაზე დიდი ინტერესი ერლინგ ჰალანდის პრემიერ ლიგაში მე-100 გოლის ბურთმა მიიპყრო, რომლის ფასმაც უკვე ოთხნიშნა ციფრს მიაღწია. აუქციონიდან შემოსული თანხის ნაწილი კლუბის საქველმოქმედო ფონდს მოხმარდება.

აღსანიშნავია, რომ მანჩესტერ სიტიში ათწლიანი წარმატებული პერიოდის დასრულების შემდეგ, სადაც მან ექვსი პრემიერ ლიგა და ჩემპიონთა ლიგა მოიგო, გვარდიოლა შესაძლოა იტალიის ნაკრების მთავარი მწვრთნელი გახდეს.

იტალიის ფეხბურთის ფედერაციის ახალმა ტექნიკურმა დირექტორმა, პაოლო მალდინიმ, ბარსელონაში გამართულ შეხვედრებზე ესპანელ სპეციალისტს ოთხწლიანი გეგმა წარუდგინა და მხარეებს შორის მოლაპარაკებები მიმდინარეობს.

იტალიის ნაკრებში მთავარ მწვრთნელად გვარდიოლა სურთ