უეფას ერთა ლიგის მე-5 ტურში, B დივიზიონის პირველ ჯგუფში, სადაც საქართველოს ნაკრები ასპარეზობს, ალბანეთის ნაკრებმა ჩეხეთი მიიღო.
მატჩი უგოლოდ, 0-0 დასრულდა და გუნდებმა ქულები გაიყვეს.
5 ტურის შემდეგ ჯგუფში ასეთი სიტუაციაა:
1. ჩეხეთი - 8 ქულა
2. საქართველო - 7 ქულა
3. ალბანეთი - 7 ქულა
4. უკრაინა - 5 ქულა
ბოლო ტურის მატჩები 19 ნოემბერს გაიმართება, სადაც ჯგუფის გამარჯვებულის ვინაობა გაირკვევა. ჩეხეთი საქართველოს უმასპინძლებს, ალბანეთი კი უკრაინას მიიღებს.
საქართველოს ნაკრები ჩეხეთში გამარჯვების შემთხვევაში 10 ქულას დააგროვებს. ასეთ სიტუაციაში კი ჯგუფში პირველი ადგილის დაკავების თეორიული შანსი მხოლოდ ალბანეთს ექნება.
5 მატჩის შემდეგ საქართველოს ბურთების ბალანსი 6:4-ზე არის, ალბანეთის კი - 3:4-ზე. თანაბარი ქულების დაგროვების შემთხვევაში ალბანელებმა ჩვენზე უკეთესი ბურთების ბალანსი უნდა დააფიქსირონ, რათა პირველ ადგილზე გავიდნენ.
ასე რომ საქართველოს ნაკრებს ჩეხეთში მხოლოდ გამარჯვება აწყობს.
საქართველოსთან მატჩში ჩეხეთს ლიდერი და კაპიტანი დააკლდება
