სკანდალი თურქეთში - გალათასარაი მოურინიოს რასიზმში ადანაშაულებს

თურქეთის სუპერ ლიგის 25-ე ტურში სტამბოლის დერბი გაიმართა, რომელიც გალათასარაისა და ფენერბაჰჩეს შორის 0-0 დასრულდა.

საკონტინენტთაშორისო დერბის დაძაბულობა მატჩის შემდეგაც გაგრძელდა, რაც ჟოზე მოურინიოს კომენტარით დაიწყო.

"თამაშის შემდეგ სლავკო ვინჩიჩს (მთავარი მსაჯი) ასეთი მსაჯობისთვის მადლობა გადავუხადე. 

მეოთხე არბიტრს, რომელიც თურქია, ვუთხარი, რომ ამ მატჩის მთავარი მსაჯი თურქი თუ იქნებოდა, კატასტროფა მოხდებოდა.

გალათასარაის სკამზე ყოველი სწორი გადაწყვეტილების შემდეგ მაიმუნებივით დახტოდნენ." - განაცხადა პორტუგალიელმა სპეციალისტმა.

გალათასარაიმ ოფიციალური განცხადება გამოაქვეყნა, რომლის მიხედვითაც ისინი ჟოზე მოურინიოს რასიზმში სდებენ ბრალს და ამ კომენტარის გამო UEFA-სა და FIFA-ში უჩივლებენ.