სკანდალური ფრე - ლივერპული ენფილდზე გადარჩა

ინგლისის პრემიერლიგაში ლივერპულმა საკუთარ მოედანზე ნოტინგემ ფორესტთან დაძაბულ ბრძოლაში 2:2 ითამაშა.

სტუმრებმა თამაში კონტრშეტევებზე ააგეს და 24-ე წუთზე დან ნდოიეს გოლით დაწინაურდნენ. ლივერპულმა ტაიმის ბოლოს ფლორიან ვირტცის დარტყმით თითქოს გაათანაბრა, თუმცა VAR-მა გოლი მცირე თამაშგარის გამო გააუქმა.

მეორე ტაიმში მატჩის დრამა პიკს მიუახლოვდა. 60-ე წუთზე ალექსანდერ ისაკმა ანგარიში გაათანაბრა, თუმცა სულ რაღაც 10 წუთში ალისონის უხეშობის გამო დანიშნული პენალტით მორგან გიბს-უაითმა ნოტინგემი ისევ წინ გაიყვანა.

ლივერპული შოკურ მარცხს 82-ე წუთზე გადაურჩა, ვიქტორ მუნიოსმა ვირტცის პასის შემდეგ ულამაზესი, უძლიერესი დარტყმით შეაგდო და გუნდს ენფილდზე უმნიშვნელოვანესი ქულა მოუტანა.