სლოტი: "პსჟ-ს ჩემპიონთა ლიგის მოგების კარგი შანსი აქვს, მაგრამ იღბალიც მნიშვნელოვანია"

არნე სლოტმა პსჟ-სთან გამოვარდნის შემდეგ მეტოქე შეაქო.

„დიახ, მათ ჩემპიონთა ლიგის მოგება შეუძლით. თუმცა მათთვის სამწუხაროდ, ეს არ არის ერთადერთი გუნდი, რომელსაც ეს შეუძლია. წინ ორი მატჩია და იღბალმაც უნდა იქონიოს გავლენა.

ჩემპიონატს იგებს გუნდი, რომელიც მთელი სეზონის განმავლობაშია საუკეთესო. იგივეს თქმა რთულია, როცა საუბარია მხოლოდ ორ მატჩზე, რომელშიც შედეგზე გავლენა შეიძლება იღბალმაც იქონიოს და მსაჯის გადაწყვეტილებებმაც. საბედნიეროდ, გაგვიმართლა, რომ აქაც და პარიზშიც საუცხოო არბიტრებმა იმუშავეს.

საბოლოოდ, მათ ტურნირის მოგების კარგი შანსი აქვთ. თუ ასე თამაშს გააგრძელებენ და ყველა ფეხბურთელი ფორმაში იქნება, მაშინ ეს შანსები შენარჩუნდება.

ფავორიტია თუ არა პსჟ? ყველა გუნდთნა არ მითამაშია, მაგრამ ამ მომენტისთვის ბარსა მომწონს. არსენალსაც კარგი გუნდი ჰყავს, ისევე, როგორც რეალს და ბაიერნს. რთული ბრძოლა იქნება, როგორც დღეს იყო და თუ პენალტების სერია მომავალშიც განმეორდება, შეიძლება გამარჯვებული სხვა გუნდი გახდეს. ეს არის მსოფლიოს ერთ-ერთი ყველაზე მდიდარი კლუბი და სულაც არაა გასაკვირი, რომ ყოველ წელს ჩემპიონთა ლიგის მოგებისთვის იბრძვის." - აღნიშნა ნიდერლანდელმა.