პარიზის 2024 წლის ოლიმპიადაზე საკალათბურთო ტურნირის ფინალი გაიმართა, სადაც ერთმანეთს მასპინძელი საფრანგეთისა და ვარსკვლავური აშშ-ს ნაკრებები დაუპირისპირდნენ.
ბევრი მცდელობის მიუხედავად, ფრანგებმა შეხვედრაში საბოლოო გარდატეხა ვერ მოახერხეს და როგორც მოსალოდნელი იყო, გამარჯვება ამერიკელებს დარჩათ, შეხვედრა 87-98 დასრულდა.
ოლიმპიურ ჩემპიონებს სტეფ კარიმ ულიდერა, რომელიც მეტოქე გუნდის მოთამაშეებმა ვერ გააჩერეს. სტეფმა 24 ქულა მიითვალა და 12-დან 8 სამქულიანი ჩააგდო.
ფრანგების მხრიდან ვიქტორ ვემბანიამას 26-ქულიანი და იაბუსელეს 20-ქულიანი პერფორმანსები ოქროს მედლისთვის საკმარისი არ აღმოჩნდა.
აშშ-ს საკალათბურთო ნაკრები ოლიმპიური ჩემპიონი ისტორიაში მეჩვიდმეტედ გახდა, ვერცხლი მასპინძელ საფრანგეთს ერგო, ბრინჯაოს პრიზიორი კი სერბეთის ნაკრებია, რომელმაც მე-3 ადგილისთვის მატჩში გერმანია დაამარცხა.
