ვარჯიში განაახლა - რას უმიზნებს ლაშა ტალახაძე?

საქართველოს ძალოსანთა ეროვნული და ახალგაზრდული ნაკრებები ბაკურიანში ევროპის ახალგაზრდული და უფროსებს შორის მსოფლიოს ჩემპიონატებისთვის ემზადებიან.

საწვრთნელ პროცესში ჩართულია ლაშა ტალახაძეც. სამგზის ოლიმპიურმა ჩემპიონმა ნაკრებთან ერთად ვარჯიში განაახლა და მსოფლიოს ჩემპიონატისთვის ემზადება.

ლაშა ტალახაძის მიზანია 2028 წლის ლოს ანჯელესის ოლიმპიადისთვის ლიცენზიის მოპოვება. - ინფორმაციას საქართველოს სპორტის სამინისტრო ავრცელებს.

ევროპის ახალგაზრდული ჩემპიონატი 12 ოქტომბრიდან 19 ოქტომბრის ჩათვლით ალბანეთში გაიმართება.

უფროსებს შორის მსოფლიოს ჩემპიონატს კი ჩინეთი 27 ოქტომბრიდან 8 ნოემბრის ჩათვლით უმასპინძლებს.