ტონი კროოსმა ოფიციალურად დაადასტურა, რომ ევრო 2024-ს შემდეგ საფეხბურთო კარიერას დაასრულებს.
გერმანელმა მადრიდის რეალის გულშემატკივრებს ოფიციალური წერილით მიმართა:
„როგორც ყოველთვის ვამბობდი, მადრიდის რეალი არის და იქნება ჩემი უკანასკნელი კლუბი.
2014 წლის 17 ივლისი - რეალში ჩემი პრეზენტაციის დღე, რომელმაც ცხოვრება შემიცვალა, როგორც ფეხბურთელის, მაგრამ კიდევ უფრო მეტად როგორც ადამიანის.
მსოფლიოს უდიდეს კლუბში ახალი ეტაპი დავიწყე და 10 წლის შემდეგ, სეზონის დასრულების მერე, ეს ეტაპიც დასრულდება. არასდროს დამავიწყდება ეს დაუჯერებლად წარმატებული პერიოდი. განსაკუთრებული მადლობა მინდა გადავუხადო ყველას, ვინც გაშლილი ხელებით და გულით დამხვდა და ბოლომდე მენდო. განსაკუთრებული მადლობა თქვენ, მადრიდისტებს, თქვენი მხარდაჭერისთვის და სიყვარულისთვის, პირველიდან ბოლო დღემდე.
ეს გადაწყვეტილება იმას ნიშნავს, რომ ევროპის ჩემპიონატის შემდეგ, ჩემი პროფესიონალური საფეხბურთო კარიერა დასრულდება.
ამაყი და ბედნიერი ვარ, რომ ამ გადაწყვეტილების მისაღებად სწორი დრო შევარჩიე. ჩემი ამბიცია ყოველთვის უმაღლეს დონეზე თამაშისას წასვლა იყო. აქედან გზა ყოველთვის ერთი მიმართულებით მიდის: წინ, მე-15 თასისკენ, Hala Madrid y Nada Mas." - წერს სოციალურ ქსელში გერმანელი ფეხბურთელი.
