სულამანიძე 1/4 ფინალშია

პარიზის 2024 წლის ოლიმპიადაზე ძიუდოში კაცთა -100 კგ. წონით კატეგორიაში საქართველოს სახელით ილია სულამანიძე წარსდგა.

ქართველმა თავის სადებიუტო ოლიმპიადაზე ასპარეზობა 1/8 ფინალიდან დაიწყო. მისი მეტოქე იტალიელი ჯენარო პირელი იყო.

ილიამ პირველ შეხვედრაში მეტოქე 2 წუთში იპონით დაამარცხა და 1/4 ფინალში გავიდა. 

მომდევნო ეტაპზე სულამანიძის მეტოქე იაპონელი აარონ ვულფი იქნება, რომელმაც პორტუგალიელი ჟორჟე ფონსეკა იპონით დაამარცხა. ვოლფი მოქმედი ოლიმპიური ჩემპიონია.

1/4 ფინალში გავიდა ესპანეთის სახელით მოასპარეზე ნიკოლოზ შერაზადიშვილი, რომელმაც 1/8 ფინალში უნგრელი სომბორ ვეგი დაამარცხა.

ნიკოს მეტოქე მომდევნო ეტაპზე შვეიცარიელი დანიალ აიხი იქნება.