თოფურია: "ჩემი ბოლო ბრძოლა ქვემსუბუქ წონაში უკვე იხილეთ"

UFC-ის ქართველმა ჩემპიონმა, ილია თოფურიამ თავის სამომავლო გეგმებზე ესპანურ El Partidazo de COPE-სთან კომენტარი გააკეთა. მან განაცხადა, რომ ის მსუბუქ წონაში ასვლას გეგმავს.

ჟურნალისტი: "შესაძლებელია, რომ ჩვენ უკვე ვნახეთ შენი ბოლო ბრძოლა ქვემსუბუქ წონაში?"

ილია: "კი, სავსებით."

ჟურნალისტის კითხვაზე ადის თუ არა ის მსუბუქ წონაში, ილიამ თანხმობის ნიშნად თავი დაუქნია.

"რადგან ისლამი (მახაჩევი) იანვარში ბრძოლას აპირებს, ის აპრილი/მაისში მზად ვერ იქნება, ამიტომ მე ნომერ პირველ კონტენდერ შარლზ ოლივეირასთან ბრძოლა მსურს". - განაცხადა თოფურიამ.

შეგახსენებთ, რომ ილია ქვემსუბუქი წონის მოქმედი ჩემპიონია. მან ზედიზედ დივიზიონის საუკეთესო მებრძოლები, ალექს ვოლკანოვსკი და მაქს ჰოლოუეი დაანოკაუტა.