UFC-ის ამერიკელმა მებრძოლმა, ბო ნიკალმა დაადასტურა, რომ ილია თოფურიასა და ალექსანდერ ვოლკანოვსკის შორის რემატჩი შედგება.
"ეს ოფიციალურია, ფაქტად ვიცი, რომ ეს მოხდება." - განაცხადა ნიკალმა.
ამერიკელმა ისიც დააზუსტა, რომ ქართველისა და ავსტრალიელის მეორე დაპირისპირება UFC 314-ზე გაიმართება, რომელიც 12 აპრილს მაიამიში ჩატარდება. მოგვიანებით ნიკალმა სოციალურ ქსელში დაწერა, რომ ბრძოლა ოფიციალურად ჩანიშნული ჯერ არ არის.
თოფურიასა და ვოლკანოვსკის პირველი ბრძოლა 2024 წლის 18 თებერვალს ვიხილეთ, სადაც ილიამ მეტოქე დაანოკაუტა და UFC-ის პირველი ქართველი ჩემპიონი გახდა.
26 ოქტომბერს თოფურიამ ქვემსუბუქი წონის ქამარი დაიცვა და ამჯერად მაქს ჰოლოუეი გათიშა.
