სულ რაღაც 11 დღის შემდეგ მას მერე, რაც არსენალმა ხელიდან გაუშვა ცხრილის სათავეში 12 ქულით დაწინაურების შანსი, სიტის შეუძლია თავის საჩემპიონო მეტოქეს გადაასწროს.
სიტის გამოცდილებამ საჩემპიონო რბოლებში, სადაც მათ უკვე ორჯერ აჯობეს მიკელ არტეტას გუნდს ფინიშის ხაზთან, ბევრს აფიქრებინა, რომ სწორედ ისინი არიან მაისში პრემიერ ლიგის თასის აღმართვის ახალი ფავორიტები.
უოტფორდისა და ბირმინგემ სიტის ყოფილი თავდამსხმელი, ტროი დინი მიიჩნევს, რომ არსენალის მარცხი უფრო მეტად მათივე ფეხბურთელების იმედგაცრუებამ გამოიწვია, ვიდრე სიტის რაიმე განსაკუთრებულმა სიდიადემ:
ჩვენ ვსაუბრობთ იმაზე, თუ რამდენად დიდებულია მანჩესტერ სიტი, მაგრამ უნდა ითქვას, რომ ნონი მადუეკე საერთოდ არ გამოჩენილა, მარტინ ზუბიმენდი არ გამოჩენილა, მარტინ ოდეგორი არ გამოჩენილა, კრისტიან მოსკერა არ გამოჩენილა, პიერო ინკაპიე არ გამოჩენილა და მართალია ის ჩემი მეგობარია, მაგრამ არც დეკლან რაისი გამოჩენილა.
ვცდილობდი თავი შემეკავებინა და პატივისცემა გამომეჩინა, თუმცა არსენალის ეს ჩავარდნა და ონლაინ სივრცეში ატეხილი აჟიოტაჟი ეპიკური იქნება.
არსენალი მომდევნო მატჩს შაბათს საღამოს, შინ, ნიუკასლის წინააღმდეგ გამართავს. ამ დროისთვის ისინი, შესაძლოა, უკვე მეორე ადგილზე იყვნენ ჩამოქვეითებულები.
