,,წარმოუდგენელი მოთამაშეა" - სინერმა ესპანელი ტალანტი შეაქო

19 წლის რაფა ხოდარმა მადრიდის ღია პირველობის 1/4 ფინალში მსოფლიოს პირველ ნომერ იანიკ სინერთან ითამაშა და 2 სეტში წააგო (6-2, 7-6). 

სინერმა ხოდარის დამარცხების შემდეგ კომენტარი გააკეთა:

მან ბოლომდე მიბიძგა. ის წარმოუდგენელი მოთამაშეა.

მაქსიმალურად ვცდილობდი მზად ვყოფილიყავი. პირველად ვითამაშეთ ერთმანეთის წინააღმდეგ. შემდეგ ჯერზეც იმედია ისევ შევხვდებით. მან იცის, რას უნდა ელოდოს. მეც ვიცი, რას უნდა ველოდო.

ძალიან ბედნიერი ვარ. მაღალი დონის მატჩი იყო. მეორე სეტში ცოტა გამიმართლა, მაგრამ გამოცდილებამაც იმუშავა. კმაყოფილი ვარ დღევანდელი მატჩით და, რა თქმა უნდა, ძალიან მიხარია, რომ პირველად ვარ აქ ნახევარფინალში. ეს ჩემთვის ბევრს ნიშნავს.“

ხოლო რაც ხოდარმა თქვა სინერთან მატჩის შემდეგ, ახალგაზრდა ესპანელის თავმდაბლობისა და ამბიციის ნათელი მაგალითია:

„მაქვს განცდა, რომ გარკვეულ მომენტებში შევძელი სინერთან თანაბრად თამაში, მაგრამ ჯერ კიდევ ბევრი მაქვს გასაუმჯობესებელი. ახლა ჩემზეა დამოკიდებული, გავაანალიზო რა მოხდა, რათა შემდეგ შეხვედრაში შევცვალო.

რაც არ უნდა მომხდარიყო ამ ბოლო თვეში, იგივე ადამიანად დავრჩები.

ეს ჩემი პირველი წელია ტურზე. რაც უნდა გავაკეთო, არის განვითარება და დღევანდელი გამოცდილების გამოყენება. მხოლოდ იმიტომ, რომ ასეთი შედეგები მქონდა, არ ნიშნავს, რომ იმაზე უკეთესი ვარ, ვიდრე სინამდვილეში ვარ. მიწაზე უნდა დავრჩე.“

რაფა ხოდარმა კარიერის პირველი 25 მატჩიდან 17 მოიგო და ამით ჟოაო ფონსეკას, რაფა ნადალის, კარლოს ალკარასის, იანიკ სინერის, ნოვაკ ჯოკოვიჩისა და როჯერ ფედერერის შედეგი გააუმჯობესა.