წლის მებრძოლი - მერაბ დვალიშვილის მორიგი აღიარება

ცნობილმა გამოცემა MMA Junkie-მ 2025 წლის საუკეთესო კაც მებრძოლად მერაბ დვალიშვილი დაასახელა.

როგორც MMA Junkie წერს, გამოცემის ჟურნალისტების გამოკითხვაში დვალიშვილმა 6 ხმა მიიღო, ისლამ მახაჩევმა - 5, პიოტრ იანმა კი - 1. ნომინაციაში ასევე განიხილებოდა ჯოშუა ვენი.

მერაბ დვალიშვილმა 2025 წელს ოთხი საჩემპიონო ბრძოლა ჩაატარა, საიდანაც 3 მოიგო, ერთში კი დამარცხდა.

ქართველმა მებრძოლმა უმარ ნურმაგომედოვი, შონ ო'მალი, კორი სენდჰეგენი დაამარცხა, პიოტრ იანთან ბოლო ბრძოლაში კი გადაწყვეტილებით წააგო.