წლის საუკეთესო ახალგაზრდა ფეხბურთელის ჯილდოს ნომინანტები დასახელდა

France Football-მა წლის საუკეთესო ახალგაზრდა ფეხბურთელის ჯილდოს ნომინანტები დაასახელა.

გასულ წელს ეს პრიზი რეალის ნახევარმცველს, ჯუდ ბელინგემს ერგო.

წელს კი, საუკეთესო ახალგაზრდა ფეხბურთელის ნომინაციაზე შემდეგი მოთამაშეები არიან წარდგენილები: 

პაუ კუბარსი, ლამინ იამალი (ორივე ბარსელონა), ალეხანდრო გარნაჩო, კობი მეინუ (ორივე მან იუნაიტედი), არდა გიულერი (რეალი), კარიმ კონატე (ზალცბურგი), ჟოაო ნევეში, უორენ ზაირ-ემერი (ორივე პსჟ), სავიო მორეირა (მან სიტი), მატის ტელი (ბაიერნი).

წლის საუკეთესო ახალგაზრდა ფეხბურთელის ჯილდო რაიმონ კოპას სახელობის არის და მისი გამარჯვებული 28 ოქტომბერს, ოქროს ბურთის დაჯილდოვების ცერემონიაზე გამოვლინდება.