ცნობილია, ვინ იბრძოლებს თოფურიას მიერ გათავისუფლებული საჩემპიონო ქამრისთვის

დღეს ოფიციალურად დადასტურდა, რომ ილია თოფურიამ ქვე-მსუბუქი წონის ქამარი ვაკანტური გახადა და 70 კგ წონით კატეგორიაში გადავიდა.

UFC-ს პრეზიდენტმა, დანა უაითმა დაადასტურა, თუ ვინ იბრძოლებს ილიას მიერ გათავისუფლებული ქამრისთვის.

აპრილში, UFC 314-ს ღონისძიებაზე, სუპერმსუბუქი წონის საჩემპიონო ქამრისთვის ყოფილი ჩემპიონი ალექსანდრ ვოლკანოვსკი და ბრაზილიელი დიეგო ლოპესი დაუპირისპირდებიან ერთმანეთს.

ვოლკანოვსკი ქვე-მსუბუქი წონის ჩემპიონის სტატუსს 5 წლის მანძილზე ინარჩუნებდა და ქამარი შარშან, სწორედ თოფურიასთან დათმო. მას შემდეგ, ავსტრალიელს ბრძოლა ჯერ არ ჩაუტარებია.

რაც შეეხება ლოპესს, მას UFC-ში 6 ბრძოლა აქვს ჩატარებული, პირველივეში ის მოვსარ ევლოევთან დამარცხდა, რის შემდეგაც ზედიზედ 5 გამარჯვება მოიპოვა, მათ შორის უკანასკნელი - 2024 წლის 14 სექტემბერს, ბრაიან ორტეგასთან.