აშშ-ს ნაკრების ექს-გოლკიპერი, ტიმ ჰოვარდი უკმაყოფილოა, რომ კრისტიან პულიშიჩმა გოლის გატანის შემდეგ "ტრამპის ცეკვა" შეასრულა.
„ჩემს პირად აზრს გეტყვით: "ტრამპის ცეკვის" შესრულება სისულელეა. რატომ? იმიტომ რომ არასდროს არ დავუჭერდი მხარს იმას, ვისაც რასისტად მივიჩნევ, იქნება ეს ადამიანი აშშ-ს პრეზიდენტი, თუ ჩემი მეზობელი. მას არასდროს არ გავაპიარებდი.
თუ ვინმე სხვაგვარად ფიქრობს - პრობლემა არ არის. მაგრამ თუ პოლიტიკური განცხადების გაკეთებას აპირებ, მაშინ საკმარისად მამაცი და თამამიც უნდა იყო, რომ დაიცვა შენი პოზიცია. არაა საჭირო ჩუმად იყო და თავი უდანაშაულოდ წარმოაჩინო, როგორც ამას პულიშიჩი აკეთებს.
მისი სიტყვების არ მჯერა. დონალდ ტრამპის მხარდაჭერის ნებისმიერი გამოვლინება არის პოლიტიკური ქმედება. თუმცა, პულიშიჩი ამაში მარტო სულაც არ არის.
მსგავსი რამ სხვაგანაც ვიხილეთ - ჯერ ბეისბოლელმა ნიკ ბოზამ ჩაიცვა ტრამპის მხარდასაჭერი მაისური და შემდეგ შეკითხვებს აარიდა თავი, შემდეგ ჯონ ჯონსმა სტიპე მიოჩიჩის დანოკაუტების შემდეგ ტრამპის წინ მისი ცეკვა შეასრულა. თან, ფანებმა მალევე ამოქექეს, რომ სულ ახლახანს ჯონსს კამალა ჰარისიც ჰყავდა გამოწერილი ინსტაგრამზე, ტრამპი კი - არა.
არ შეიძლება ორ სკამზე ერთად ჯდომა. შენ ან ერთ მხარეს ხარ, ან მეორე. თუ საკმარისად მამაცი ხარ, რომ საჯარო განცხადება გააკეთო, არანაირი პრობლემა. მაგრამ, ამის აღიარება აუცილებლად უნდა შეგეძლოს." - აღნიშნა ჰოვარდმა.
