VIDEO: სრული სიგიჟე ოცნებების თეატრში — მანჩესტერმა ოლდ ტრაფორდზე ზედიზედ მესამედ ვერ მოიგო

პრემიერ ლიგის მე-16 ტურში მანჩესტერმა და ბორნმუთმა წლის ერთ-ერთი საუკეთესო თამაში ჩაატარეს.

ოლდ ტრაფორდზე გამართული დაპირისპირება ფრედ 4:4 დასრულდა.

პირველი ტაიმი იუნაიტედმა 2:1 დიალოს და კაზემიროს გოლებით მოიგო, ალუბლების რიგებში თავი სემენიომ გამოიჩინა, როცა ანგარიში 1:1 გახადა.

თუმცა, მეორე ნახევარი ამორიმის გუნდისთვის კატასტროფულად დაიწყო - გუნდმა შვიდ წუთში ორი გოლი გაუშვა და ბორნმუთმა წინ გასვლა შეძლო.

ანგარიში ბრუნო ფერნანდეშმა ულამაზესი საჯარიმო დარტყმით გაათანაბრა, ორ წუთში კი კუნიამ იუნაიტედი წინ კიდევ ერთხელ გაიყვანა. თუმცა, არც ეს გოლი აღმოჩნდა გამარჯვების - 84-ე წუთზე ირაოლას გუნდმა ანგარიში კვლავ გაათანაბრა.

მსაჯის მიერ კომპენსირებულ დროში ალუბლებს მატჩის მოგების შანსიც ჰქონდათ, თუმცა სენე ლამენსმა იუნაიტედი გატანილი გოლისგან იხსნა.

მანჩესტერმა პრემიერ ლიგაში ზედიზედ მე-3 საშინაო მატჩი ვერ მოიგო, 26 ქულა დააგროვა და მე-6 ადგილს იკავებს, ბორნმუთმა კი ზედიზედ მე-5 თამში ვერ მოიგო და 21 ქულით მე-13 პოზიციაზეა.

1-0 დიალო 13'

1-1 სემენიო 40'

2-1 კაზემირო 45+4'

2-2 ევანილსონი 46'

2-3 ტავერნიერი 52'

3-3 ბრუნო 77'

4-3 კუნია 79'

4-4 კროუპი 84'