თურქეთი სახლში ესპანეთთან განადგურდა - ფურია როხა ჯგუფში გალიდერდა

2026 წლის მსოფლიო ჩემპიონატის საკვალიფიკაციო ეტაპზე თურქეთის ნაკრებმა ესპანეთი მიიღო.

შეხვედრა ესპანელთა უპირატესობით წარიმართა და საბოლოოდ გამანადგურებელი ანგარიშითაც დასრულდა.

ანგარიში მე-6 წუთზე პედრიმ გახსნა, 22-ე წუთზე მიკელ მერინომ გაზარდა სხვაობა ორამდე, პირველი ტაიმის კომპენსირებულ დროში კი მერინომ დუბლი შეასრულა და ანგარიში 0-3 გახადა.

მეორე ტაიმში ფურია როხამ დომინირება გააგრძელა. 53-ე წუთზე ფერან ტორესმა გამოიჩინა თავი, 57-ე წუთზე კი მიკელ მერინომ კიდევ ერთი გოლი გაიტანა და ჰეთ-თრიქი შეასრულა.

62-ე წუთზე მატჩის საბოლოო ანგარიში პედრიმ დააფიქსირა. ესპანეთმა თურქეთი 0-6 გაანადგურა.

ამ ჯგუფის მეორე თამაშში დღეს საქართველომ დინამო არენაზე ბულგარეთი დაამარცხა 3-0.

ორი ტურის შემდეგ ჯგუფში ასეთი სიტუაციაა.

1. ესპანეთი (გოლები +9) - 6 ქულა

2. საქართველო (გოლები +2) - 3 ქულა

3. თურქეთი (გოლები -5) - 3 ქულა

4. ბულგარეთი (გოლები -6) - 0 ქულა

ჯგუფის მომდევნო მატჩები ოქტომბერში გაიმართება. 11 ოქტომბერს ესპანეთი საქართველოს მიიღებს, თურქეთი კი ბულგარეთს ესტუმრება.