უიმბლდონის 1/4 ფინალური ეტაპი დასრულდა, შესაბამისად კაცთა და ქალთა თანრიგში ყველა 1/2 ფინალური წყვილი გაირკვა.
კაცთა თანრგიში ფინალისტის ვინაობას ერთმანეთში დანილ მედვედევი და მოქმედი ჩემპიონი კარლოს ალკარასი გაარკვევენ.
რუსმა ჩოგბურთელმა იტალიელ იანიკ სინერს სძლია 5 სეტში, ალკარასმა კი ამერიკელ ტომი პოლს აჯობა 4 სეტში.
მეორე 1/2 ფინალურ წყვილში ნოვაკ ჯოკოვიჩი ლორენცო მუსეტის შეხვდება.
სერბის მეტოქე ავსტრალიელი ალექს დე მინორი ტრავმის გამო ჩაეხსნა ტურნირს და ნოლე 1/2 ფინალში უბრძოლველად გავიდა, იტალიელმა მუსეტიმ კი ხუთსეტიან ბრძოლაში მოუგო ამერიკელ ტეილორ ფრიცს.
მატჩები 12 ივლისს ჩატარდება, ფინალი კი 14 ივლისს გაიმართება.
რაც შეეხება ქალთა თანრიგს, პირველ 1/2 ფინალში ჩეხი ბარბორა კრეიჩიკოვა ყაზახეთის სახელით მოასპარეზე ელენა რიბაკინას დაუპირისპირდება, ხორვატი დონა ვეკიჩი კი იტალიელ ჟასმინ პაოლინისთან გაარკვევს უძლიერესის ვინაობას.
ეს მატჩები 11 ივლისს გაიმართება, ფინალური დაპირისპირებას კი 13 ივლისს ვიხილავთ.
