უკანასკნელი ცეკვა პარიზში? ლეგენდების შესაძლო დაპირისპირება

2024 წლის პარიზის ოლიმპიადაზე საჩოგბურთო ტურნირის წილისყრა გაიმართა და ცნობილი გახდა მოთამაშეთა ბადეები.

ყველაზე საინტერესო ის არის, რომ ტურნირის ნაადრევ ეტაპზე, მეორე რაუნდშივე შესაძლო ნოვაკ ჯოკოვიჩისა და რაფაელ ნადალის ლეგენდარული დაპირისპირება ვიხილოთ.

"საოცარი იქნება, თუ შევხვდებით. კორტზე ფეიერვერკებს უნდა ელოდოთ, როგორც ეს ადრე იყო.

იმედია, შევხვდებით, რადგან ეს შესაძლოა უკანასკნელი ცეკვა იყოს ორივე ჩვენგანისთვის." - განაცხადა ჯოკოვიჩმა წილისყრის შემდეგ.

თუ სერბისა და ესპანელის დაპირისპირება შედგება, მაშინ ეს მათ კარიერაში მე-60 ურთიერთშეხვედრა იქნება. მათ 2 წელია ერთმანეთის წინააღმდეგ არ უთამაშიათ.

იმისთვის, რომ ეს მატჩი შედგეს ჯოკოვიჩმა ებდენი უნდა დაამარცხოს, ნადალმა კი - ფუჩოვიჩი.