უმცროსი ბორჯღალოსნები ევროპის ჩემპიონატის ფინალში არიან! - შემადგენლობა

ჩეხეთის დედაქალაქ პრაღაში მიმდინარე 18-წლამდელთა ევროპის ჩემპიონატზე საქართველოს ნაკრებმა კიდევ ერთხელ დაამტკიცა საკუთარი კლასი და ზედიზედ მეთერთმეტედ გავიდა ტურნირის ფინალში. საჩემპიონო მატჩში ჩვენი ბიჭების მეტოქე ესპანეთის ნაკრები იქნება, დაპირისპირება კი 14 ნოემბერს, 20:30 საათზე დაიწყება.

ეს შეხვედრა ქართველი მორაგბეებისთვის ორმაგად პრინციპულია, უმცროსი ბორჯღალოსნები 2025 წლის ფინალში სწორედ ესპანეთთან განცდილი მარცხისთვის რევანშის აღებას და ევროპის ჩემპიონის ტიტულის დაბრუნებას შეეცდებიან. ფინალამდე გიორგი ნემსაძის გუნდმა ორი რთული ბარიერი გადალახა: მეოთხედფინალში პოლონეთი 45:15 გაანადგურა, ხოლო ნახევარფინალში ნიდერლანდებს 24:19 სძლია.

გთავაზობთ საქართველოს ნაკრების შემადგენლობას ესპანეთთან გადამწყვეტი მატჩისთვის:

ხაზი: 15. ლუკა ჭაკუა, 14. ლუკა მუშკუდიანი, 13. გოგა ბერიძე, 12. მიხეილ მგალობლიშვილი, 11. ალექსანდრე მამაიაშვილი, 10. მათე მახარაძე, 9. გიორგი ხონელიძე;

შერკინება: 1. ლუკა ბარბაქაძე, 2. ალექსანდრე გამყრელიძე, 3. გიორგი ბერძენიშვილი, 4. ნიკოლოზ ფანცულაია, 5. ლუკა შულაია, 6. გიორგი ქევანიშვილი, 7. გიორგი სუთიაშვილი, 8. მათე ბერუაშვილი;

სათადარიგოები: 16. საბა ჯიბღაშვილი, 17. საბა მერებაშვილი, 18. საბა მაჭარაშვილი, 19. დავით ლაცაბიძე, 20. ნიკოლოზ ხარებავა, 21. ალექსანდრე გაგუა, 22. ნიკოლოზ ჩაჩანიძე, 23. რეზი ცხვედიანი, 24. ნიკოლოზ ჯანგულაშვილი, 25. ბართლომე ხამაშურიძე, 26. გეგა გიორგობიანი.