ნიკოლოზ ბასილაშვილმა უიმბლდონის პირველ წრეში იტალიელი ლორენცო მუსეტი 4 სეტში დაამარცხა და მე-2 რაუნდში გავიდა.
შემდეგ შეხვედრაში ბასილაშვილის მეტოქე კვლავ იტალიელი - ლორენცო სონეგო იქნება, რომელმაც პირველ წრეში პორტუგალიელი ფარიას წინააღმდეგობა დაძლია.
ბასილაშვილისა და სონეგოს გზები მესამედ და 2021 წლის შემდეგ პირველად გადაიკვეთება - პირველი დაპირისპირება რომში (თიხაზე) სონეგომ ორ სეტში მოიგო, 2021-ში ტოკიოს ოლიმპიადაზე (ჰარდი) ბასილამ სამ სეტში შური იძია, იქიდან რამდენიმე თვეში კი სონეგომ სან დიეგოში (ჰარდზე) ორ სეტში გაიმარჯვა და ურთიერთშეხვედრებში კვლავ დაწინაურდა - 2:1.
ბალახზე ბასილაშვილს და სონეგოს აქამდე არასდროს უთამაშიათ.
ლორენცო სონეგო 30 წლის ჩოგბურთელია, ყველაზე მაღალი პოზიცია კარიერაში მისთვის 21-ე ნომერი იყო, რომელსაც ის 2021 წლის ოქტომბერში იკავებდა.
გრენდ სლემის ტურნირებზე მისი საუკეთესო შედეგი მეოთხედფინალია - წლევანდელ ავსტრალიაზე.
