,,ვაცნობიერებთ, რომ რთული პერიოდი გვიდგას" - რა თქვა გაგნიძემ მატჩის შემდეგ?

უეფას ერთა ლიგის მე-5 ტურში საქართველოს ნაკრები უნგრეთთან 0-2 დამარცხდა.

მატჩის შემდეგ ეროვნული გუნდის ნახევარმცველმა ნიკა გაგნიძემ მედიასთან კომენტარი გააკეთა.

,,ნორმალური პირველი ტაიმი ჩავატარეთ, მთლიანობაში ცუდი მატჩი გამოდგა, მაგრამ ვფიქრობ, რომ მოწინააღმდეგეს ჩვენ ვაჯობეთ.

გვქონდა ისეთი მომენტები, სადაც შეგვეძლო, რომ უკეთ გვეთამაშა დამაგვირგვინებელ ფაზაში, თუმცა რაღაც მომენტში კონცენტრაცია დაგვეკარგა, მოწინააღმდეგეს მივეცით სტანდარტულის ჩაწოდების საშუალება და ამის გამო დავისაჯეთ.

მოუგებელი სერია? მთლიანობაში მართლაც რთული პერიოდი გვიდგას, თითოეული ჩვენგანი ვაცნობიერებთ ამ ყველაფერს, მაგრამ ერთადერთი, რაც შემიძლია გითხრათ, რომ ამ რთული მომენტიდან თუ ვინმეს შეუძლია ღირსეულად გამოსვლა, ეს ჩვენ ვართ.

არა მარტო ფეხბურთელები და სამწვრთნელო შტაბი, არამედ მთლიანად ქართველი ერი და ვფიქრობ, რომ თუ ერთად გავაგრძელებთ ერთად ყოფნას, როგორც ფეხბურთელები, ისე სტაფი და გულშემატკივრები, რთულ პერიოდს დავძლევთ და ისევ მოვა ის კარგი პერიოდი და სიხარული." - განაცხადა გაგნიძემ.

საქართველოს ეროვნული ნაკრების აბსოლუტური ანტირეკორდი