ვერსტაპენი: "ჩემპიონობისთვის ბრძოლაში აუცილებელია სრულყოფილი უიქენდების შენარჩუნება"

მაქს ვერსტაპენმა მექსიკის გრან პრის წინ კომენტარი გააკეთა.

„ჩემპიონობისთვის ბრძოლაში გამარჯვებისთვის აუცილებელია სრულყოფილი უიქენდების შენარჩუნება, ამიტომ მექსიკაში თავიდანვე კარგი შედეგის ჩვენება ძალიან მნიშვნელოვანია. ეს ტრასა ჩვეულებრივ კარგად ერგება ჩვენს ბოლიდს, ყველაფერი საბურავებისა და მოჭიდების მართვაზეა დამოკიდებული.

რა თქმა უნდა, სიმაღლეს ყოველთვის მოაქვს უნიკალური გამოწვევები, როგორიცაა ჰაერის დაბალი სიმკვრივე, რაც ყველაზე იმოქმედებს. მექსიკაში ყოველთვის შესანიშნავი ატმოსფეროა, ამიტომ შესანიშნავი იქნება იქ მოპოვებული გამარჯვება.“ - განაცხადა ნიდერლანდელმა.

რედ ბულის პილოტი ჩემპიონობისთვის მაკლარენის პილოტებს, ოსკარ პიასტრისა და ლანდო ნორისს ებრძვის. რამდენიმე გრან პრის წინ მაქსსა და ოსკარს შორის სხვაობა 104 ქულა იყო, ახლა კი ნიდერლანდელმა სხვაობა 40 ქულამდე შეამცირა.

2025 წლის სეზონის დასრულებამდე 5 გრან პრი დარჩა. მექსიკის გრან პრი 24-26 ოქტომბერს გაიმართება. მაქს ვერსტაპენმა მექსიკაში გამარჯვება 2021-23 წლებში შეძლო, გასულ წელს კი გამარჯვებული კარლოს საინსი გახდა.