VIDEO: აბუაშვილის სადებიუტო გოლი ლიგა 1-ში - მეცმა ნანტი დაამარცხა
02 ნოე, 2025 · 0 წთ წასაკითხად
ლინკის დაკოპირება
-
Aa
+
ფონტის ზომა
საფრანგეთის ლიგა 1-ის მე-11 ტურში მეცი ნანტს ესტუმრა.
სასტარტო შემადგენლობაში იყო გიორგი წიტაიშვილი, სათადარიგო სკამზე კი - გიორგი აბუაშვილი.
მეცმა 78-ე წუთზე სამმაგი ცვლილება გააკეთა - წიტაიშვილმა მოედანი დატოვა, თამაშში კი აბუაშვილი ჩაერთო.
82-ე წუთზე ქართველმა შემტევმა მასპინძელთა შეცდომით ისარგებლა და ნანტის ცარიელი კარი საჯარიმოს გარედან აიღო, რითიც ანგარიში გაიხსნა.
89-ე წუთზე ჰაბიბუ დიალომ მეცის გამარჯვება გააფორმა და საბოლოო ანგარიში 0-2 დააფიქსირა.
მეცმა ლიგა 1-ის მიმდინარე სეზონში მეორე გამარჯვება მოიპოვა და 8 ქულით მე-17 ადგილზეა, რაც გასავარდნი ზონაა. უსაფრთხო ზონამდე 2 ქულაა, მე-15 ადგილზე სწორედ ნანტია 9 ქულით.
