VIDEO: არის 965-ე - რონალდუმ გაიტანა და მისმა გუნდმა 5:0 მოიგო

კრიშტიანუ რონალდუმ პროფესიონალურ კარიერაში 965-ე გოლი გაიტანა.

ალ ნასრის პორტუგალიელმა სუპერ ვარსკვლავმა საუდი პრო ლიგის ბოლოადგილოსან ალ ნაჯმასთან პენალტიდან შეაგდო.

აღსანიშნავია, რომ უშუალოდ პენალტი 217-ედ შეასრულა და 182-ედ გაიტანა, მარჯვენა ფეხით კი 622-ე გოლი მიითვალა.

რონალდუსთვის მიმდინარე ჩემპიონატში 21-ე გოლია და მთავარ ბომბარდირ აივენ ტოუნის 2 გოლით ჩამორჩება.

ალ ნასრმა ალ ნაჯმა 5:0 გაანადგურა - ინიგო მარტინესმა დუბლი შეასრულა, ასევე კინგსლი კომანმა და სადიო მანემ შეაგდეს.

23 ტურის შემდეგ, რონალდუს გუნდმა 58 ქულა მოაგროვა და მე-2 ადგილოსანთან სხვაობა 2 ქულამდე გაზარდა. მომდევნო ტურში, 28 თებერვალს, მე-11 ადგილოსან ალ ფაიჰას ესტუმრება.