VIDEO: ბაიერნმა თამაში მოატრიალა და 3 ქულა ბოლო წუთებზე მოიპოვა

გერმანიის ბუნდესლიგის მე-12 ტურში მიუნხენის ბაიერნმა ალიანც არენაზე ზანქტ პაულის უმასპინძლა.

შეხვედრაში ანგარიში მე-6 წუთზე სტუმრების მხრიდან ანდრეას ჰუნტონჯიმ გახსნა. ტაიმის ბოლოს, 44-ე წუთზე რაფაელ გერეირომ ანგარიში გაათანაბრა და პირველი ტაიმი ფრედ, 1-1 დასრულდა.

მატჩი ახლოს იყო ფრედ დასრულებასთან, თუმცა თამაშის კომპენსირებულ დროში ბაიერნმა 2 გოლის გატანა და 3 ქულის მოპოვება მოახერხა.

3-წუთიან მონაკვეთში გოლები ლუის დიასმა და ნიკოლას ჯექსონმა გაიტანეს და საბოლოო ანგარიში 3-1 დააფიქსირეს.

ვინსენ კომპანის გუნდს ამ მოგების შემდეგ 34 ქულა აქვს და სატურნირო ცხრილს 8-ქულიანი უპირატესობით ლიდერობს.