VIDEO: ბოლო წუთზე მოპოვებული გამარჯვება - რეალმა მალიორკა დაამარცხა
8 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
ესპანეთის ლა ლიგის 36-ე ტურში მადრიდის რეალმა სანტიაგო ბერნაბეუზე მალიორკა მიიღო.
მასპინძლებმა პირველი ტაიმი დათმეს. მე-11 წუთზე ანგარიში მარტინ ვალიენტმა გახსნა და მალიორკას პირველი ნახევარი 0-1 მოაგებინა.
68-ე წუთზე კილიან მბაპემ საჯარიმოში ეფექტურად ითამაშა და ანგარიში გაათანაბრა. მატჩის კომპენსირებულ დროში კი ხესუს ვალიეხოს თავური პასის შემდეგ ხაკობო რამონმა შეძლო სტუმართა კარის აღება და რეალს 3 ქულა მოუტანა.
კილიან მბაპემ ამ სეზონში ყველა ტურნირზე მე-40 გოლი გაიტანა და რეალის ისტორიაში პირველი მოთამაშე გახდა, რომელმაც სადებიუტო სეზონში 40 გოლის გატანა შეძლო.
აღსანიშნავია, რომ მალიორკას მეკარე ლეო რომანმა 10 ბურთის მოგერიება შეძლო და 2 ბურთის გაშვებისა და მარცხის მიუხედავად მატჩის საუკეთესო მოთამაშედ დასახელდა.
ამ თამაშში რეალის ქულების დაკარგვის შემთხვევაში ბარსელონა ჩემპიონობას ინაღდებდა, თუმცა კატალონიელები ამას ესპანიოლის დამარცხების შემთხვევაში შეძლებენ.
