საფრანგეთის ლიგა 2-ის მე-6 ტურში სენტ-ეტიენი დანკერკს ესტუმრა და 2-1 დამარცხდა.
სტუმართა სასტარტო შემადგენლობაში იყო ზურიკო დავითაშვილი, რომელმაც სრულად ითამაშა და საგოლე გადაცემაც მიითვალა.
პირველი ტაიმის ბოლოს ანგარიში სწორედ სენტ-ეტიენმა გახსნა. ქართველის ბრწყინვალე პასის შემდეგ გოლი ოგუსტინ ბოაკიემ გაიტანა.
თუმცა მეორე ტაიმში მასპინძლებმა აიარისა და კეიტას გოლებით თამაშის მოტრიალება და 3 ქულის აღება შეძლეს.
მარცხის მიუხედავად სენტ-ეტიენი 15 ქულით სატურნირო ცხრილის სათავეში რჩება, ზურიკო დავითაშვილის ანგარიშზე კი ამ სეზონში 1 გოლი და 2 საგოლე პასია.
