ამ მატჩში NBA-ის ისტორია დაიწერა - 19 წლისა და 103 დღის ასაკში, კუპერ ფლეგი ყველაზე ახალგაზრდაა, ვინც NBA-ის შეხვედრაში 50+ ქულა დააგროვა - 51 ქულა, 6 მოხსნა, 3 ასისტი. მეჯიქის თინეიჯერმა - 21-დან 13 ორქულიანი, 9-დან 6 სამქულიანი და 7-დან 7 საჯარიმო ჩააგდო.
მეორე მხრივ, გრძელდება დალასის საშინელი საშინაო სერია - გუნდმა საკუთარ მოედანზე ზედიზედ მე-14 თამაში წააგო, რაც 1993-94 წლების სეზონის შემდეგ უგრძესია - მაშინ, უკვე დანგრეულ რეონიონ არენაზე, მიჯრით 19-ჯერ დამარცხდნენ.
ბითაძემ 12:09 წუთი ითამაშა, 1 ორქულიანი წარუმატებლად ესროლა და მხოლოდ საჯარიმოები ჩააგდო - 2 ქულა, 4 მოხსნა, 2 ასისტი.
ორლანდომ სეზონში 41-ე გამარჯვება მოიპოვა, აღმოსავლეთ კონფერენციის მე-9 ადგილზეა, თუმცა ექვსეულში მოსახვედრად საკმაო გამართლება დასჭირდება - სხვაობა 2 მოგებაა და სათამაშო 5 მატჩი რჩება.
გოგას გუნდი ნიუ ორლეანს პელიკანსს (6 აპრილის 03:00-ზე), ჩიკაგო ბულსსა და ბოსტონ სელტიქსს სტუმრად შეხვდება, ხოლო დეტროიტ პისტონსსა და მინესოტა ტიმბერვულვზს შინ მიიღებს.
