VIDEO: დიდი სხვაობით - ნაკრებმა მსოფლიოს შესარჩევის მეორე მატჩი ესპანეთში წააგო

საქართველოს ნაკრებმა 2027 წლის მსოფლიო ჩემპიონატის შესარჩევი ეტაპის მე-2 ტურის მატჩიც წააგო. ჩვენი გუნდში ესპანეთში დიდი სხვაობით დამარცხდა - 61:90.

ალექსანდრ ჯიკიჩის გუნდი თამაშში კარგად შევიდა და მეტოქეს საწყის წუთებში 10 ქულითაც გაექცა (18:8), თუმცა ესპანელებმა თანდათან თამაში დაალაგეს და შეხვედრის მიმდინარეობას სრულად აკონტროლებდნენ.

პირენეელთა მხრიდან სანტიგო იუსტა (17 ქულა, 4 მოხსნა, 6 ასისტი) და ისან ალმანსა პერესი (12 ქულა, 9 მოხსნა, 1 ასისტი) გამოირჩნენ, ხოლო ჩვენი გუნდიდან საუკეთესო შედეგი 17 წლის მათე ხატიაშვილსა (10 ქულა, 1 მოხსნა, 3 ასისტი) და თორნიკე შენგელიას (10 ქულა, 7 მოხსნა, 1 ასისტი) ჰქონდათ.

ბოლო სანაკრებო მატჩში 8 ქულა, 6 მოხსნა და 2 ასისტი მიითვალა გიორგი შერმადინმა, რომელიც ნაკრებს დაემშვიდობა და ამიერიდან მხოლოდ ტენერიფეს რიგებში ითამაშებს.

შერმო ნაკრებში 2006 წლის სექტემბრიდან თამაშობდა და მისი ღირსება 202 შეხვედრაში დაიცვა. ერთადერთი ქართველია, რომელსაც დამოუკიდებლობის შემდეგ საქართველოს მიერ ნათამაშებ 7-ვე დიდ ტურნირზე (6 ევრობასკეტი და 1 მსოფლიო ჩემპიონატი) აქვს მონაწილეობა მიღებული.

შესარჩევი ეტაპის 2 ტურის შემდეგ, საქართველოს ნაკრებს 2-ვე წაგებული აქვს და, დანიასთან ერთად, ჯგუფის აუტსაიდერია - ესპანეთმა და უკრაინამ 2-2 მატჩი მოიგეს.

შემდეგ სანაკრებო შესვენებაზე ჯიკიჩის გუნდი ორივე თამაშს დანიელებთან ჩაატარებს - 27 თებერვალს სტუმრად, 2 მარტს შინ.