გიორგი ჩაკვეტაძემ, 8-თვიანი ტრავმიდან დაბრუნების შემდეგ, პირველი საგოლე მოქმედება მიითვალა.
ჩემპიონშიფის 25-ე ტურში, უოტფორდმა ბირმინგემთან დაგეგმილი გამარჯვება (3:0) მოიპოვა და ზედიზედ მე-4 თამაში მოიგო.
შეხვედრაში ანგარიში მე-9 წუთზე გაიხსნა, როცა ჩაკვეტაძის ეფექტური გრძელი პასის შემდეგ ტომ ინსმა შეაგდო (სხვათა შორის, სამივე გოლი მან გაიტანა).
აღსანიშნავია, რომ ჩაკვეს ბოლო საგოლე მოქმედება 23 მარტს, საქართველოს ნაკრების რიგებში სომხეთთან ჰქონდა, ხოლო უშუალოდ კლუბში - 23 თებერვალს.
უოტფორდელებმა ზედიზედ მე-7 დაუმარცხებელი თამაში ჩაატარეს, ბოლო 4 კი ზედიზედ მოიგეს - ბოლო 13 შეხვედრაში წაგება აქვთ (7 მოგება და 5 ფრე).
ხავი გრასიას გუნდმა 41 ქულა მოაგროვა, ცხრილის მე-4 ადგილზე აინაცვლა და მე-2 ადგილოსან იფსვიჩს 3 ქულით ჩამორჩება.
4 იანვარს უშუალო კონკურენტთან მატჩია - უოტფორდი ესტუმრება ჰალ სიტის, რომელსაც მასსავით 41 ქულა აქვს.
