ვიდეო: "ეს საბას დროა" - ლობჟანიძის გოლი MLS-ში

ამერიკული MLS-ის მორიგ სათამაშო დღეს ატლანტა იუნაიტედი ფილადელფია უნიონს ეწვია. სასტარტო შემადგენლობაში იყო საბა ლობჟანიძე.

პირველი ტაიმი უგოლოდ დასრულდა, შეხვედრის მეორე ნახევარში კი ანგარიში 61-ე წუთზე მასპინძლებმა გახსნეს. გოლის ავტორი ნათან არიელი გახდა.

72-ე წუთზე თავური დარტყმით ანგარიში საბა ლობჟანიძემ გაათანაბრა და საბოლოოდ თავის გუნდს ქულაც მოუტანა.

"ეს საბას დროა" - ასე ეხმაურება ატლანტას ოფიციალური გვერდი ქართველი შემტევის გოლს.

31 მატჩის შემდეგ ატლანტას 34 ქულა აქვს და აღმოსავლეთ კონფერენციაში მე-11 ადგილზეა. გუნდი საპლეიოფო ზონას 3 ქულით ჩამორჩება.

საბა ლობჟანიძის ანგარიშზე მიმდინარე სეზონში 8 გოლი და 6 საგოლე გადაცემაა.