VIDEO: ესპანეთმა საუდის არაბეთი გაანადგურა

მსოფლიო ჩემპიონატის ჯგუფური ეტაპის მე-2 ტურში ესპანეთი საუდის არაბეთს დაუპირისპირდა.

ევროპის ჩემპიონებმა თამაშის ბედი პირველივე ტაიმში გადაწყვიტეს. მე-10 წუთზე, მიკელ ოიარსაბალის ბრწყინვალე პასის შემდეგ, ანგარიში ლამინ იამალმა გახსნა.

21-ე წუთზე სოსიედადის თავდამსხმელმა თავადაც გამოიჩინა თავი, 3 წუთში კი დუბლის შესრულებაც მოახერხა.

მეორე ტაიმში ესპანელებმა კიდევ ერთი გოლი გაიტანეს. 49-ე წუთზე მარკ კუკურელიას დარტყმული მეკარემ მოიგერია, თუმცა შემდეგ ბურთი ჰასან ალ ტამბაკტის მოხვდა და კარში შევარდა.

მატჩის ბოლოს გოლი შეცვლაზე შემოსულმა ფერან ტორესმაც გაიტანა, თუმცა ბურთი თამაშგარე მდგომარეობის გამო გაუქმდა.

ესპანეთმა საუდის არაბეთი 4-0 გაანადგურა და ჯგუფში 4 ქულა დაუგროვდა, საუდის არაბეთს კი 1 ქულა რჩება და ბოლო ტურში კაბო ვერდეს დაუპირისპირდება.

ლუის დე ლა ფუენტეს გუნდი კი ჯგუფის ცენტრალურ მატჩში ურუგვაის ნაკრებს შეხვდება.

10' იამალი 1-0

21' ოიარსაბალი 2-0

24' ოიარსაბალი 3-0

49' ტამბაკტი (ა.გ) 4-0