VIDEO: კინსკის კოშმარული ღამე - ატლეტიკომ ტოტენჰემი გაანადგურა
7 სთ წინ · 0 წთ წასაკითხად
-
Aa
+
ფონტის ზომა
უეფას ჩემპიონთა ლიგის 1/8 ფინალური ეტაპის პირველ მატჩში მადრიდის ატლეტიკომ მეტროპოლიტანოზე ტოტენჰემს უმასპინძლა.
შეხვედრის პირველი 15 წუთი ლონდონელებისთვის და განსაკუთრებით მათი ჩეხი მეკარისთვის, ანტონინ კინსკისთვის კოშმარული გამოდგა. მე-6 წუთზე 22 წლის კიპერმა ბურთის თამაშში შეყვანისას შეცდომა დაუშვა, რითაც მადრიდელებმა ისარგებლეს და ანგარიშ მარკოს ლიორენტემ გახსნა.
მე-14 წუთზე შეცდომა უკვე მიკი ვან დე ვენმა დაუშვა, ანტუან გრიზმანმა კი სხვაობა ორამდე გაზარდა. აქედან 1 წუთში კი კინსკის კიდევ ერთი უპატიებელი შეცდომის შემდეგ, ხულიან ალვარესმა ბურთი ცარიელ კარში შეაგორა.
მე-17 წუთზე იგორ ტუდორმა კინსკი შეცვალა და გუნდის მთავარი მეკარე გულიელმო ვიკარიო ჩართო თამაშში, თუმცა ეს უკვე გვიანი იყო.
22-ე წუთზე რობინ ლე ნორმანმაც გაიტანა თავისი გოლი და ანგარიში 4-0 გახდა, აქედან 4 წუთში კი ტოტენჰემმა პრესტიჟის გოლის გატანა შეძლო და პედრო პორომ ერთი ბურთი გაქვითა.
55-ე წუთზე იან ობლაკის მოგერიებას ატლეტიკოს კონტრ-შეტევა მოჰყვა, ანტუან გრიზმანის ბრწყინვალე მოქმედების შემდეგ კი ხულიან ალვარესს დიდი სივრცე მიეცა, რომელიც ეფექტურად გამოიყენა და დუბლი შეასრულა.
76-ე წუთზე პედრო პოროს პასის შემდეგ, შეცვლაზე შემოსულმა დომინიკ სოლანკემ ტოტენჰემს საპასუხო მატჩის წინ მცირე შანსი დაუტოვა და მადრიდული შეხვედრის საბოლოო ანგარიში (5-2) დააფიქსირა.
გუნდების განმეოერებითი თამაში 18 მარტს, 23:55 საათზე, ლონდონ სთედიუმზე გაიმართება.
