VIDEO: კიტეიშვილის გოლი და მაღალი შეფასება - შტურმმა რეინჯერსს მოუგო
02 ოქტ, 2025 · 0 წთ წასაკითხად
ლინკის დაკოპირება
-
Aa
+
ფონტის ზომა
უეფას ევროპა ლიგის მე-2 ტურში გრაცის შტურმმა საკუთარ მოედანზე გლაზგოს რეინჯერსი მიიღო.
მასპინძელთა სასტარტო შემადგენლობაში იყო ოთარ კიტეიშვილი, რომელმაც მოედანზე 73 წუთი გაატარა.
მე-7 წუთზე ანგარიში ტომი ჰორვატმა გახსნა, 35-ე წუთზე კი სხვაობა ორამდე ქართველმა ნახევარმცველმა გაზარდა. ჰორვატის მიერ ჭკვიანურად გათამაშებული ჯარიმის შემდეგ ერთი ერთზე დარჩენილმა კიტეიშვილმა შანსი გამოიყენა და ანგარიში 2-0 გახადა.
49-ე წუთზე სტუმართა მხრიდან ერთი გოლი ჯეიდი გასამამ გაქვითა, თუმცა შტურმმა მატჩის ბოლომდე მიყვანა თავის სასარგებლოდ შეძლო და 2-1 იმარჯვა.
ოთარ კიტეიშვილმა Sofascore-ის მიხედვით 8.3 შეფასება დაიმსახურა. უმაღლესი შეფასება (10.0) კი შტურმის მეკარე ოლივერ კრისტენსენმა დაიმსახურა, რომელმაც 10 მოგერიება დააგროვა.
პირველ ტურში მიდტიულანდთან მარცხის შემდეგ, შტურმმა რეინჯერსთან მოგებით პირველი 3 ქულა ჩაიწერა ევროპა ლიგაზე. მომდევნო მატჩში გრაცელები კიდევ გლაზგოს მეორე გუნდს, სელტიკს დაუპირისპირდებიან, ამჯერად შოტლანდიაში.
