VIDEO: მანესა და ფელიქსის გოლები - ალ ნასრი სუპერ თასის ფინალშია

საუდის არაბეთის სუპერ თასის ნახევარფინალში ალ ნასრი ალ იტიჰადს დაუპირისპირდა.

შეხვედრაში ანგარიში მე-10 წუთზე სადიო მანემ გახსნა, რომელსაც საგოლე გადაცემა მარსელო ბრზოვიჩმა გაუკეთა.

მე-16 წუთზე სტივენ ბერგვაინმა მუსა დიაბის პასის შემდეგ ანგარიში გაათანაბრა.

25-ე წუთზე ალ ნასრის სიტუაცია დამძიმდა. მსაჯმა გოლის ავტორ სადიო მანეს უხეში თამაშის გამო პირდაპირ წითელი ბარათი უჩვენა და მოედნიდან გააძევა.

ალ იტიჰადმა რიცხობრივი უპირატესობით ვერ ისარგებლა. 61-ე წუთზე ერთი ერთზე გასულმა კრიშტიანუ რონალდუმ ცარიელ კართან ჟოაო ფელიქსს დაუგორა ბურთი და პორტუგალიელებმა გამარჯვების გოლი შექმნეს.

ალ ნასრი სუპერ თასის ფინალში გავიდა, სადაც ალ აჰლისა და ალ ქადისიას შრის გამარჯვებულს შეხვდება.

10' მანე 1-0

16' ბერგვაინი 1-1

25' მანეს წითელი ბარათი

61' ფელიქსი 2-1