VIDEO: მბაპეს ჰეთ-ტრიკი - რეალმა კაირატი გაანადგურა, ზარიამ სეზონში პირველად ითამაშა

ჩემპიონთა ლიგის მე-2 ტურში მადრიდის რეალმა ალმატის კაირატი 5:0 გაანადგურა.

ჰეთ-ტრიკით კილიან მბაპემ გამოიჩინა თავი, თითო გოლი კი კამავინგამ და ბრაჰიმმა გაიტანეს.

კაირატის რიგებში მე-80 წუთზე ცვლილებაზე ქართველი ნახევარმცველი გიორგი ზარია შემოვიდა, რომელმაც 10 წუთში 7-დან 6 ზუსტი პასი შეასრულა, წარმატებული დრიბლინგითაც გამოიჩინა თავი და მოგებული ორთაბრძოლითაც. გამოცემა SofaScore-მ ზარიას ამ მატჩისთვის 6.6 შეფასება დაუწერა.

აღსანიშნავია, რომ ქართველისთვის ეს ამ სეზონის პირველი მატჩი იყო - აქამდე ზარიას ტრავმა ჰქონდა და სეზონის სტარტი გაუცდა.

რეალმა ლიგაზე 2-დან 2 გამარჯვება მოიპოვა და 6 ქულით ცხრილის ლიდერია. 

0-1 მბაპე 25'

0-2 მბაპე 52'

0-3 მბაპე 74'

0-4 კამავინგა 83'

0-5 ბრაჰიმი 90+3'