VIDEO: მონტე კარლოს მასტერსის პირველი ფინალისტი ცნობილია

მონტე კარლოს 1000-ქულიან მასტერზე პირველი ფინალისტი გაირკვა.

პირველ ნახევარფინალურ მატჩში ერთმანეთს მსოფლიო რეიტინგის მე-2 და მე-3 ნომრები, იანიკ სინერი და ალექსანდერ ზვერევი დაუპირისპირდნენ.

მატჩი 1 საათი და 23 წუთი გაგრძელდა და იტალიელის გამარჯვებით 2 სეტში (6-1, 6-4) დასრულდა. იანიკ სინერი ზედიზედ მე-4 მასტერსის ფინალში გავიდა, მას 1000-ქულიან ტურნირებზე ზედიზედ 21 მატჩი აქვს უკვე მოგებული და ბოლო 43 სეტიდან 42 მას დარჩა.

კონკრეტულად ზვერევის წინააღმდეგ კი მან ზედიზედ მე-8 გამარჯვება იზეიმა და ზედიზედ 11 სეტი მოუგო, ჯამში სინერი მე-12 მასტერსის ფინალში გავიდა.

იტალიელი ფინალში კარლოს ალკარასსა და ვალენტინ ვაშეროს შორის გამარჯვებულს შეხვდება. მატჩი 12 აპრილს გაიმართება.