მონტე კარლოს 1000-ქულიან მასტერსზე ფინალური წყვილი გაირკვა.
მეორე ნახევარფინალურ მატჩში ერთმანეთს მსოფლიო რეიტინგის პირველი ნომერი კარლოს ალკარასი და ადგილობრივი ვალენტინ ვაშერო დაუპირისპირდნენ. მატჩი 1 საათი და 25 წუთი გაგრძელდა და ესპანელის გამარჯვებით 2 სეტში (6-4, 6-4) დასრულდა.
კარლოს ალკარასი მონტე კარლოს მასტერსის ფინალში ზედიზედ მეორედ გავიდა და ამ ტურნირზე ზედიზედ მე-9 მატჩი მოიგო. ესპანელი გახდა მე-3 კაცი ჩოგბურთლეი, რომელიც 23 წლის ასაკში 1000-ქულიანი ტურნირის ფინალში 10-ჯერ გავიდა, აქამდე ეს რაფა ნადალმა და ნოვაკ ჯოკოვიჩმა მოახერხეს.
ფინალურ მატჩში კარლოს ალკარასი იანიკ სინერს დაუპირისპირდება, რომელმაც თავის მხრივ ნახევარფინალში ალექსანდერ ზვერევს მოუგო. ესპანელსა და იტალიელს შორის ურთიერთშეხვედრები კარლოსის სასარგებლოდ 10-6-ზე არის.
მონტე კარლოს მასტერსის ფინალი 12 აპრილს გაიმართება.
