იტალიის სერია ა-ს 32-ე ტურში პარმა საკუთარ მოედანზე ნაპოლის დაუპირისპირდა.
შეხვედრაში ანგარიში სწრაფი გოლით გაიხსნა. პირველივე წუთზე მასპინძლები გაბრიელ სტრეფეცამ დააწინაურა და პირველი ტაიმი მოაგებინა.
მე-60 წუთზე რასმუს ჰოილუნდის პასის შემდეგ ანგარიში სკოტ მაკტომინეიმ გაათანაბრა, თუმცა ნაპოლი მხოლოდ ამას დასჯერდა და გამარჯვება ვერ შეძლო.
სერია ა-ში ანტონიო კონტეს გუნდის 5-მატჩიანი მოგებათა სერია შეწყდა და პარტენოპეი 66 ქულით მე-2 ადგილზეა. ლიდერ ინტერთან ჩამორჩენა, რომელსაც თავისი მატჩი ჩასატარებელი აქვს, 6 ქულაა.
