VIDEO: ნიქსი და მინესოტა პლეიოფის შემდეგ ეტაპზე არიან

NBA-ის პლეიოფში სერიების მე-6 მატჩები გაიმართა.

ატლანტა ჰოუქსი ნიუ იორკ ნიქსს დაუპირისპირდა და 89-140 განადგურდა, ნიქსმა კი სერია დახურა და შემდეგ ეტაპზე გავიდა (4-2). გამარჯვებულ გუდნს ოუჯეი ანუნობიმ (29 ქულა) და მიკალ ბრიჯისმა (24 ქულა) ულიდერეს, ატლანტადან კი გამორჩეული ჯეილენ ჯონსონი იყო 21 ქულით.

ნიქსი აღმოსავლეთ კონფერენციის ნახევარფინალში გავიდა, სადაც ბოსტონ სელტიკსსა და ფილადელფია სევენთისიქსერსს შორის გამარჯვებულს შეხვდება.

კიდევ ერთი სერია დაიხურა სხვა წყვილში. ტრავმირებული დონტე დივინჩენცოსა და ენტონი ედვარდსის გარეშე დარჩენილმა მინესოტა ტიმბერვულვზმა დენვერ ნაგეტსს 110-98 მოუგო და შემდეგ ეტაპზე გავიდა (4-2).

მატჩის საუკეთესო მოთამაშე ჯეიდენ მაკდენიელსი გახდა, რომელმაც 32 ქულა და 10 მოხსნა დააგროვა, ნიკოლა იოკიჩს კი სამმაგ დუბლამდე 1 მოხსნა დააკლდა - 28 ქულა, 9 მოხსნა და 10 შედეგიანი გადაცემა.

მინესოტა ტიმბერვულვზი აღმოსავლეთ კონფერენციის ნახევარფინალში სან ანტონიო სპურსს დაუპირისპირდება, რომელმაც თავის მხრივ პორტლენდ ტრეილ ბლეიზერსს მოუგო სერიაში (4-1).