VIDEO: ლებრონის ოფიციალური დებიუტი და ჩემპიონებისთვის ჩაშლილი ზეიმი

ლებრონ ჯეიმსმა და მისმა ახალმა თანაგუნდელებმა ფილადელფია სიქსერსიდან ნიუ იორკ ნიქსს სეზონის გახსნის ზეიმი ჩაუშალეს.

ფილადელფიამ NBA-ის მოქმედი ჩემპიონი ანგარიშით 106:100 დაამარცხა, როდესაც მედისონ სქვეარ გარდენში ნიუიორკელებმა საჩემპიონო ბანერი აღმართეს.

41 წლის ჯეიმსი NBA-ში რეკორდულ, 24-ე სეზონს იწყებს და კარიერაში მე-4 გუნდში ასპარეზობს.

მან ოფიციალურ სადებიუტო შეხვედრაში 14 ქულა და 7 შედეგიანი გადაცემა მიითვალა. საერთო ჯამში, ფილადელფიამ 28 შედეგიანი გადაცემა შეასრულა.

ამ მატჩმა ნათლად აჩვენა, თუ როგორ შეუძლია ლებრონს ახალგაზრდა თანაგუნდელებისთვის თამაშის ორგანიზება და მათი შესაძლებლობების უკეთ წარმოჩენა. მათ შორისაა ტაირის მაქსი, რომელიც 28 ქულით მატჩის საუკეთესო მექულე გახდა.

„გაცილებით უკეთ თამაში შემიძლია. ჯერ კიდევ ვცდილობ სათამაშო რიტმის პოვნას. ბუნებრივია, ახალ გუნდთან ერთად მხოლოდ ორ კვირაზე ოდნავ მეტი გავატარე.

თუმცა, მომეწონა, როგორ ვითამაშეთ. ვფიქრობ, განსაკუთრებით დაცვაში შესანიშნავად გამოვიყურებოდით“, - განუცხადა ჯეიმსმა NBC-ს.