VIDEO: ორი დუბლი - ინტერის ქამბექი კომოსთან უხვგოლიან მატჩში
12 სთ წინ · 0 წთ წასაკითხად
-
Aa
+
ფონტის ზომა
იტალიის სერია ა-ს 32-ე ტურში კომო საკუთარ მოედანზე ინტერს დაუპირისპირდა.
მასპინძლებმა პირველი ტაიმის მოგება მოახერხეს. 36-ე წუთზე ალექს ვალიემ ანგარიში გახსნა, 45-ე წუთზე კი ნიკო პასმა სხვაობა ორამდე გაზარდა, თუმცა კომპენსირებულ დროში მარკუს ტურამმა ერთი ბურთის გაქვითვა მოახერხა.
მეორე ტაიმის დასაწყისში, 49-ე წუთზე ინტერის ფრანგმა შემტევმა დუბლი შეასრულა და ანგარიში გაათანაბრა, 58-ე წუთზე კი სტუმრები წინ დენზელ დუმფრისმა გაიყვანა.
72-ე წუთზე ნიდერლანდელმა ფლანგელმა ტურამის მსგავსად დუბლი შეასრულა და ინტერის უპირატესობა ორბურთიანი გახადა. 89-ე წუთზე მასპინძელთა მხრიდან ლუკას და კუნიამ პენალტით ერთი ბურთი გაქვითა, თუმცა კომომ ინტერის მსგავსად ქამბექის შესრულება ვეღარ შეძლო.
ნერაძურიმ მნიშვნელოვანი გამარჯვება მოიპოვა და სატურნირო ცხრილში მდევარ ნაპოლისთან, რომელმაც თავისი მატჩი პარმას ვერ მოუგო, უპირატესობა 9 ქულამდე გაზარდა.
