VIDEO: პსჟ სახლში მონაკოსთან დამარცხდა — კვარამ 60 წუთი ითამაშა

საფრანგეთის ლიგა 1-ის 25-ე ტურში ქვეყნის ჩემპიონი პარი სენ-ჟერმენი მონაკოსთან დამარცხდა.

პარკ დე პრენსზე გამართული შეხვედრა მონეგასკების გამარჯვებით 3:1 დასრულდა.

ქართველმა ვარსკვლავმა ხვიჩა კვარაცხელიამ მატჩი სასტარტოში დაიწყო, 60-ე წუთზე კი, როცა გუნდი 0:2-ს აგებდა, მოედანზე ადგილი უსმან დემბელეს დაუთმო.

ამ გამარჯვებით მონაკომ პსჟ-ზე ჩემპიონთა ლიგიდან ორმატჩიან დუელში მარცხის გამო ნაწილობრივ შური იძია.

პსჟ-ს ანგარიშზე 57 ქულა დარჩა და ლანსთან, რომელსაც 1 მატჩით ნაკლები აქვს ჩატარებული, 4-ქულიან უპირატესობას ინარჩუნებს, მონაკო კი 40 ქულით მე-5 პოზიციაზეა.

საინტერესოა, რომ მონაკომ ამ სეზონში პსჟ-ს ორივე ტურში მოუგო ჩემპიონატის თამაში — პირველ წრეში გუნდებს შორის გამართული მატჩი ასევე მონაკოს გამარჯვებით 1:0 დასრულდა.

0-1 აკლიუჩე 27'

0-2 გოლოვინი 55'

1-2 ბარკოლა 71'

1-3 ბალოგუნი 73'