VIDEO: სერიაში ისევ მასპინძელმა მოიგო - მამუს ტორონტომ სეზონი დაასრულა
2 სთ წინ · 0 წთ წასაკითხად
-
Aa
+
ფონტის ზომა
სანდრო მამუკელაშვილის ტორონტო რეპტორსმა 2025-26 წლების სეზონი დაასრულა.
კლივლენდ კავალიერსთან საპლეიოფო სერიის მე-7 მატჩში, კანადელები საწყის ორ მეოთხედში 10 ქულით სამჯერ გავიდნენ წინ, თუმცა კავალიერსი თამაშში რჩებოდა და მე-3 მეოთხედის 19-ქულიანი მოგებით შეხვედრისა და სერიის ბედიც გადაწყვიტა - 114:102.
მატჩის ყველაზე შედეგიანი კალათბურთელები დამარცხებული სკოტი ბერნსი (24 ქულა, 9 მოხსნა, 6 ასისტი) და არ ჯეი ბერეტი (23 ქულა, 4 მოხსნა, 6 ასისტი) იყვნენ, გამარჯვებულთა შორის კი 3 მოთამაშე გამოირჩა - მათგან ყველაზე სოლიდური ჯერეტ ალენი გახლდათ, რომელმაც 22 ქულა, 19 მოხსნა, 2 ასისტი მიითვალა, დონოვან მიტჩელს 22 ქულა, 3 მოხსნა, 1 ასისტი ჰქონდა, ხოლო ჯეიმს ჰარდენს - 18 ქულა, 6 მოხსნა, 3 ასისტი.
რაც შეეხება მამუკელაშვილს, მას დარკო რაიაკოვიჩმა 08:52 წუთი მისცა და ქართველმა აქტივში მხოლოდ 6 ქულა ჩაიწერა.
საბოლოოდ, ისე გამოვიდა, რომ კლივლენდმა მოედნის უპირატესობა გამოიყენა, რადგან სერიის ყველა, 7-ვე მატჩი მასპინძლის გამარჯვებით დასრულდა. აღსანიშნავია ისიც, რომ ტორონტო, პლეი-ოფის ეგიდით, კლივლენდს სტუმრად 2016 წლის შემდეგ ვერ უგებს და როქეტ არენაზე ზედიზედ 11 წაგება აქვს.
კავალიერსი შემდეგ ეტაპზე შეხვდება დეტროიტ პისტონსს, რომელმაც გოგა ბითაძის ორლანდო მეჯიქს სერია ასევე 7 თამაშში მოუგო.
დეტროიტი კლივლენდის სერიის საწყისი ორი მატჩი დეტროიტში ჩატარდება - 6 მაისის 03:00 საათსა და 8 მაისის 03:00 საათზე.
