VIDEO: უხვგოლიანი მატჩი ენფილდზე - ლივერპულმა ვესტ ჰემს მოუგო
3 სთ წინ · 0 წთ წასაკითხად
-
Aa
+
ფონტის ზომა
ინგლისის პრემიერ ლიგის 28-ე ტურში ლივერპულმა ენფილდზე ვესტ ჰემი მიიღო.
მასპინძლებმა დიდი უპირატესობა პირველივე ტაიმში მოიპოვეს და 3 უპასუხო გოლი გაიტანეს.
ანგარიში სწრაფი გოლით გაიხსნა. მე-5 წუთზე მერსისაიდელები წინ უგო ეკიტიკემ გაიყვანა. 24-ე წუთზე სხვაობა ორამდე ვირჯილ ვან დაიკმა გაზარდა, 43-ე წუთზე კი ანგარიში 3-0 ალექსის მაკ ალისტერმა გახადა.
მეორე ტაიმის სტარტზე ვესტ ჰემმა ერთი ბურთი გაქვითა. 49-ე წუთზე ტომას სოუჩეკმა გამოიჩინა თავი. 70-ე წუთზე კოდი გაკპომ სამბურთიანი სხვაობა აღადგინა, აქედან 5 წუთში ტატი კასტელიანოსმა კვლავ შეამცირა ლივერპულის უპირატესობა.
82-ე წუთზე კი ჯერემი ფრიმპონგის აქტიურობის შემდეგ აქსელ დისასიმ ბურთი საკუთარ კარში ჩაჭრა და მატჩის საბოლოო ანგარიში 5-2 დააფიქსირა.
ამ მოგებით ლივერპულმა 48 ქულა დააგროვა და სატურნირო ცხრილში მანჩესტერ იუნაიტედს გაუთანაბრდა, რომელსაც თავისი მატჩი კრისტალ პალასთან აქვს ჩასატარებელი.
მერსისაიდელები მე-5 ადგილზე არიან, ვესტ ჰემი კი 25 ქულით გასავარდნ ზონაში, მე-18 პოზიციას იკავებს და უსაფრთხო ზონაში მყოფ ნოტინგემს 2 ქულით ჩამორჩება.
