ფლორიან ვირცის აგენტმა, ფოლკერ შტრუტმა, გაამხილა, რომ თავისი კლიენტის მადრიდის რეალში ხილვა ძალიან სურდა.
აგენტის თქმით, იმ პერიოდში, როდესაც ვირტცის ლივერპულსა თუ ბაიერნში შესაძლო ტრანსფერი განიხილებოდა, მან პირადად დაურეკა ჩაბი ალონსოს და უთხრა, რომ ეს ბიჭი ბაიერიდან თან უნდა წაეყვანა რეალში გადასვლისას. ალონსომ კი ურჩია, ეს პირდაპირ ფლორენტინო პერესისთვის ეთქვა.
„მივწერე მას: „ძვირფასო ფლორენტინო, ბევრჯერ მითქვამს და ახლაც ვიმეორებ: მყავს მოთამაშე, რომელსაც რეკომენდაციას ვუწევ. ფლორიან ვირცი მსოფლიოს ნებისმიერ გუნდს უკეთესს ხდის“, — იხსენებს შტრუტი.
პერესმა მადლობა გადაუხადა აგენტს, თუმცა საკითხი გენერალურ დირექტორთან, ხოსე სანჩესთან გადაამისამართა. საბოლოოდ, ოფიციალური შეთავაზება მადრიდიდან არ გაკეთებულა და გერმანელი ნახევარმცველი ლივერპულს შეუერთდა.
აგენტის განმარტებით, იმ მომენტში რეალისთვის ბიუჯეტისა და შემადგენლობის მხრივ შეუსაბამო დრო იყო: „იმ წელს უბრალოდ არ იყო შესაფერისი დრო. რეალის სალაროც კი ყოველთვის სავსე არაა. თუმცა, მაინც იმედი მაქვს, რომ ფლორიანი ოდესმე ითამაშებს იქ“.
