VIDEO: უმნიშვნელოვანესი გამარჯვება ბოლო წუთებზე - იბერია ჩემპიონატის თანალიდერია

ეროვნული ლიგის 32-ე ტურში იბერია 1999-მა გაგრას მიხეილ მესხი 2-ის სტადიონზე უმასპინძლა და 1:0 დაამარცხა.

იბერიელთაგან გამარჯვების გოლი შეაგდო საბა ძაგანიამ, რომელმაც 83-ე წუთზე ახლო მანძილიდან შეაგდო და, გუნდს უმნიშვნელოვანეს გამარჯვებასთან ერთად, ჩემპიონატის თანალიდერის სტატუსი მოუტანა.

32 ტურის შედეგებით, იბერია 1999-სა და დინამო ბათუმს 59-59 ქულა აქვთ, დინამო თბილისი მათ 1 ქულით ჩამორჩება, ხოლო რუსთავი - 3-ით.

ლევან კორღალიძის გუნდი მომდევნო ტურის მატჩს 15 ნოემბერს, მერვეადგილოსან სპაერთან ასევე მიხეილ მესხი 2-ზე გამართავს.